Patricia Hachem

تعا نتسابق عالفرح ...ننسى مين قسي ومين اللي جرح...ونغسل بدموعنا غبرة الايام ونعجق المطارح بدموع الفرح

ما تطلع ورانا حبيبي...

الاسى انتسا ...

والهموم غيمة شتي وصارت بعيدي

وشوية حكايات صاروا ذكريات

ما توّعي اخبار صارت غريبي

وعّي فينا الضحكات

عزمهن ع رقصة مدري من وين... من بلاد عجيبي

وزّع عالعينين بوسات تأكّد انها من بين ضلوعك طالعة... وبعدها جديدي

وبالليل ما تغفا قبل ما تغفّي النهدات

تعبت تناديلك شي ألف مرّة حبيبي...

تأكد انها نامت ونادي للنعسات تتمرمغ ع رموشك وتعانق الغفوات

نام حبيبي وغفيّ الكلمات بركي بتوعا الصبح ع قصيدة جديدي